दाङ । भारतको हरियाणा राज्यमा घरेलु कामदार बसेका एक नेपाली आफैँले काम गर्ने घरबाट २३ लाख रुपैयाँ चोरेका छन् ।
चोरीको रकम लिएर नेपाल आएका घोराही उपमहानगरपालिका–१२ रतनपुर टिकरीका बिशाल भन्ने गोकर्ण बहादुर बिकलाई आइतबार प्रहरीले पक्राउ गरेको छ ।
Advertisement
हरियाणाको चरसीदादरी जिल्ला स्थित घरेलु कामकाज गर्न बस्ने क्रममा उनले सोही घरबाट चोरी गरी भागेको प्रहरीले जनाएको छ । उनको साथबाट प्रहरीले विभिन्न दरका भारतीय र नेपाली नोट बरामद गरेको छ । भारतीय मुद्रा रुपैयाँ १३ लाख ९१ हजार १७० तथा नेपाली रुपैयाँ एक लाख चार हजार बरामद गरेको प्रहरीले जनाएको छ ।
