काठमाडौं । गएको २४ घण्टामा नेपालमा ५ हजार ५८३ जना कोरोना भाइरसका संक्रमित थपिएका छन्।
१७ हजार ६७४ जनाको परीक्षण गर्दा सो संख्यामा संक्रमित थपिएका हुन्।
Advertisement
सोही अवधिमा ८ हजार २६७ जना संक्रमणमुक्त भएका स्वास्थ्य तथा जनसंख्या मन्त्रालयले जनाएको छ।
आज ९ जनाको मृत्यु भएको छ। यो सँगै कोरोनाका कारण ज्यान गुमाउनेको संख्या ११ हजार ७५२ पुगेको छ।
आज देशभर सक्रिय संक्रमित ७४ हजार ६५९ जना रहेका छन्।
काठमाडौं उपत्यकामा काठमाडौं १ हजार ४०४, ललितपुर ३०८ र भक्तपुरमा १९५ जना गरी जम्मा १ हजार ९०७ जना संक्रमित रहेका छन्।
