काठमाडौं । पछिल्लो २४ घण्टामा १२ हजार ३३८ जनामा कोरोना भाइरसको संक्रमण पुष्टि भएको छ। २७ हजार ४९७ जनामा परीक्षण गर्दा सो संख्यामा संक्रमित फेला परेका हुन्।
बिहिबार ४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। यो सहित हालसम्म कोरोनाका कारण मृत्यु हुनेको संख्या ११ हजार ६३२ पुगेको छ।
यस्तै आज ६४९ जना कोरोना संक्रमणमुक्त भएर डिस्चार्ज भएका छन्। मन्त्रालयका अनुसार देशभर ५७ हजार ३२८ जना सक्रिय संक्रमित रहेका छन्।
उपत्यकामा मात्रै ३७ हजार ९३ सक्रिय संक्रमित
काठमाडौं उपत्यकामा कोरोना भाइरसको सक्रिय संक्रमित संख्या ३७ हजार नाघेको छ।
बिहीबार स्वास्थ्य तथा जनसंख्या मन्त्रालयले दिएको जानकाी अनुसार काठमाडौंमा २६ हजार ६९८, ललितपुरमा ६ हजार ६१२ र भक्तपुरमा ३ हजार ७८३ गरी ३७ हजार ९३ जना सक्रिय संक्रमित रहेका छन्।
आज काठमाडौंमा ५ हजार १, ललितपुरमा १ हजार १३० र भक्तपुरमा ८५० जना गरी ५ हजार ९८१ जनामा संक्रमण पुष्टि भएको मन्त्रालयले जनाएको छ।
