काठमाडौं । पछिल्लो २४ घण्टामा ३ हजार ५५३ जनामा कोरोना भाइरसको संक्रमण पुष्टि भएको छ ।  स्वास्थ्य तथा जनसंख्या मन्त्रालयका अनुसार सोही अवधिमा २७१ जना निको भएका छन् ।

आज एक जनाको मृत्यु भएको मन्त्रालयले जनाएको छ । हाल देशभर सक्रिय संक्रमित १४ हजार ३४० जना रहेका मन्त्रालयको तथ्यांक छ । यस्तै, मृतकको जम्मा संख्या ११ हजार ६१० पुगेको छ।

हालसम्म पीसीआर विधिबाट भएको परीक्षणमा ८ लाख ४१ हजार २९७ तथा एन्टिजेन विधिबाट भएको परीक्षणमा ९९ हजार २२५ जना गरी ९ लाख ४० हजार ५२२ जनामा संक्रमण पुष्टि भएको छ । संक्रमितमध्ये हालसम्म ८ लाख १५ हजार ३४७ जना निको भएका छन् ।