विन बहादुर रेग्मी, सुरत।
मूल प्रवाह अखिल भारत नेपाली एकता समाज पश्चिम भारत क्षेत्रीय समितिद्वारा सञ्चालित सुरत नगर समिति अन्तर्गत महिला विभागको प्रथम महिला भेला सम्पन्न भएको छ ।

कार्यक्रममा एकता समाजका केन्द्रीय सदस्य गोविन्दबहादुर थापाले एकता समाजको लक्ष्य, उद्देश्य र आवश्यकताका बारेमा प्रकाश पार्नुभयो । उहाँले प्रवासमा नेपालीहरूको अवस्था दयनीय भएको बताउनु भयो ।

नेता थापाले भन्नुभयो, ‘महिलाहरुको समस्या झन् जर्जर छ । हत्या हिंसा बलात्कार अपहरण हुने गरेका कैयौं घटनाहरु हुने गरेका छन् । यी सम्पूर्ण समस्याको समाधानका लागि एकता समाजले महत्वपूर्ण भूमिका निर्वाह गर्दै आएको छ ।’

उहाँले एकता आजको आवश्यकता भएको भन्दै आगामी २०२२ फरवरी २७–२८ र १ मार्चमा हुन गइरहेको आठौं अखिल भारत सम्मेलन सफल पार्न तन–मनबाट लाग्न कार्यकर्ताहरुलाई आव्हान गर्नुभएको थियो ।

त्यस्तै, पश्चिम भारत क्षेत्रीय महिला विभाग सदस्य सबिना कुँवर, सुरत नगर अध्यक्ष पूर्णबहादुर विक, नगर उपाध्यक्ष कटक विकको विशेष उपस्थिति तथा लक्ष्मी विक र विमला विकको पहलमा सो भेला सम्पन्न भएको हो । भेला शान्ति तिरुवाको अध्यक्षता र गीता वस्यालको सञ्चालनमा अगाडि बढेको थियो ।

भेलाले शान्ति तिरूवाको अध्यक्षतामा १५ सदस्यीय सुरत महिला नगर विभाग गठन गरेको छ । समितिको सचिवमा गीता वस्याल र कोषाध्यक्षमा विमला विक चयनहुनु भएको छ । सदस्यहरुमा लक्ष्मी विक, नन्द विष्ट, मुन्ना विक, इन्दिरा विक, नन्दनी विक, शोभा विक, सुनिता विक, पूजा विक, सुस्मिता गिरी रहनुभएको छ।

सबिना कुँवरले नवनिर्वाचित समितिलाई शुभकामना दिँदै– महिलाको समस्या समाधान गर्न महिला नै पुरुषसँग हातमा हात काँधमा काँध मिलाएर एकताको महान अभियानमा जुटनु पर्ने बताउनु भयो ।

एकता समाजको आगामी २०२२ फरवरी २७–२८ र १ मार्चमा हुन गइरहेको आठौं अखिल भारत नेपाली एकता सम्मेलनमने प्रचारात्मक सभा यही डिसेम्बर २६ मा सुरतको मिनीबजारमा पश्चिम भारत क्षेत्रीय समितिको सम्पन्न हुन गइरहेको छ । क्षेत्रीय समितिद्वारा आयोजित प्रचारात्मक सभा सफल पार्न आवस्यक तयारी गर्ने निर्णय गरेको छ ।

भिवानी डिसी कलौनीमा टोल समिति निर्माण
नेपाली एकता समाज नगर समिति भिवानी अन्तर्गत डिसि कलौनीमा श्रमजीवी नेपालीहरु बीच भेला गरी टोल समिति निर्माण गरिएको छ । नगर समितिका सदस्य गोबर्धन विकको पहल तथा सालीकराम भट्टराइको सक्रियता र क्षेत्रीय समितिका वैकल्पिक सदस्य मनिराम अधिकारीको विशेष उपस्थितिमा सो टोल समिति निर्माण गरिएको हो ।

टोल भेलाले जागेश्वर पौडेलको अध्यक्षतामा ११ सदस्यीय डिसि कलौनी टोल समितिको गठन गरेको छ । समितिको सचिवमा मनीराम पौडेल, कोषाध्यक्ष गोबर्धन विक र सदस्यहरुमा सालिकराम भटराई, साजन परियार, संन्दिप ढेंगा मगर, पुनाराम बस्याल, डिल बहादुर रेस्मिमगर र सुशिल श्रेस्ठ रहनु भएको छ । नवगठित टोल समितिलाई मनिराम अधिकारी र गोबर्धन विकले सफलताको शुभकामना दिनुभएको थियो ।

गुरुग्राम डिएलएफ फेस ११ एमजी रोडमा टोल समिति निर्माण
यता, एकता समाज गुरुग्राम नगर समिति अन्तर्गत डिएलएफ फेस ११ एमजी रोडमा टोल समिति निर्माण गरिएको छ । क्षेत्रीय समितिका सदस्य कमल रायमाझीको विशेष उपस्थितिमा ५ सदस्यीय टोल समिति गठन गरिएको हो ।

जसको अध्यक्षमा कृष्ण केसी, सचिव श्रीमती प्रेम स्याङ्ग, कोषाध्यक्ष गिता देवी र सदस्यहरुमा बिपना केसी र नितुन सेतिया रहनु भएको छ ।