काठमाडौँ । मिलेनियम च्यालेन्ज कर्पोरेसन (एम.सी.सी.) को विरुद्धमा प्रगतिशील लेखक सङ्घ, नेपालले कविता वाचन कार्यक्रम सम्पन्न गरेको छ ।
काठमाडौँको शान्तिवाटिकामा २०७८ मङ्सिर २७ गते प्रलेसले गीत, कविता वाचनका साथै मन्तव्य राख्ने कार्यक्रम सम्पन्न गरेको हो ।
उपाध्यक्ष गोपीरमण उपाध्यायको अध्यक्षता तथा महासचिव समीर सिंहको सञ्चालनमा अगाडि बढेको सो कार्यक्रममा केन्द्रीय सल्लाहकार प्रा.डा. पशुपतिनाथ तिमिल्सेनाले मन्तव्य राख्नुभएको थियो ।
कार्यक्रममा स्वागत मन्तव्य उपमहासचिव आरसी न्यौपानेले गर्नुभएको थियो ।
रक्तिम सांस्कृतिक अभियानका केन्द्रीय सचिव हेमराज आश्रमले गीत गाउनुभएको उक्त कार्यक्रममा प्रलेसका केन्द्रीय सल्लाहकार डा. पुष्करराज भट्ट, राष्ट्रिय पार्षद् वैरागी जेठा, प्रलेस मकवानपुरका अध्यक्ष शान्ति प्रियवन्दना, प्रलेस सुर्खेतका का.वा. अध्यक्ष जागेश्वर नेपाल, प्रलेस काठमाडौँकी अध्यक्ष डा. कौशिला रिसाल र साहित्यकार सुशीला शर्माले कविता वाचन गर्नुभएको थियो ।
