तिलक थापा बाग्लुङ ।
संयुक्त बाम गठबन्धनको जनभेटघाट तथा घरदैलो अभियान निसीखोला तमानखोला र ढोरपाटन नगरपालिका बिभिन्न ठाउँहरुमा लगातार रुपमा अगाडि बढेको छ ।
यसै क्रममा आइतबार निसीखोला गाऊँपालिका–१ को लेवाङ तथा किटेनीमा चुनावी सभा सम्पन्न भएको छ । कार्यक्रममा बोल्दै साझा वाम उमेदवार खिमविक्रम शाहीले गाऊँ बस्ती र बिकटका जनताले दिएको अमुल्य भोटको सदा कदर गरिरहने प्रतिबद्धता व्यक्त गर्नुभयो । शाहीले प्रतिगमनकारी शक्तिहरुलाई परास्त गर्न पनि वाम गठबन्धनको विजय अपरिहार्य रहेको बताउनु भयो ।
कार्यक्रममा बोल्दै प्रमुख अतिथि ढोरपाटन नगरपालिकाका मेयर देव कुमार नेपाली दुई तिहाइको सरकारले गर्न नसकेको काम अरु कसैले गर्न नसक्ने बताउनु भयो । कार्यक्रम बिशिष्ट अतिथिको रुपमा बोल्दै राष्ट्रिय जनमोर्चा केन्द्रीय सदस्य घनश्याम न्यौपानेले जनताको बलिदानीपुर्ण संघर्षबाट प्राप्त उपल्ब्धीको साथै राष्ट्रियताको रक्षाका लागि खिमविक्रम शाहीलाई अत्याधिक बहुमतले विजय गराऊन अनुरोध गर्नुभयो ।
नेकपा निसीखोला गाऊँपालिकाका अध्यक्ष कुबिर बिश्वकर्मालेसमेत मन्तव्य व्यक्त गर्नुभएको सो कार्यक्रममा अखिल नेपाल जनजाति सम्मेलनका केन्द्रीय सल्लाहकार नर ब पुनमगर, राष्ट्रिय जनमोर्चा बागलुङका जिल्ला सल्लाहकार बेदिलाल सापकोटा, अखिल छैठौं बागलुङका अध्यक्ष इन्द्रमणी पाण्डे, ऊधोग वाणिज्य संघ बुर्तीबाङका अध्यक्ष चिन्तामणि शर्मा, निर्वाचन परिचालन समितिका संयोजक मुक्तसिंह ठकुरी, नेकपा निसीखोला १ का अध्यक्ष भरत पुन लगायतका नेताहरुको आतिथ्यता रहेको थियो ।
कार्यक्रममा मानबहादुर पुनको अध्यक्षता रमेश कुँवर स्वागत र सुन्दर बुढाको सन्चालनमा सम्पन्न भएको छ । निसीखोला तमानखोला र ढोरपाटन नगरपालिका बिभिन्न ठाउँमा लगातार चल्ने राजमो बाग्लुङले जनाएको छ ।
