धादिङ । धादिङको गल्छी गाउँपालिका– ६ बैरेनीबजारमा आइतबार बिहान जन्ती बोकेको बस दुर्घटना हुँदा एक जनाको मृत्यु भएको छ । दुर्घटनामा ४० घाइते भएका छन् । घाइतेमध्ये १७ को अवस्था गम्भीर रहेको प्रहरीले जनाएको छ ।

दुर्घटनामा बेलकोटगढी नगरपालिका– ५ की १४ वर्षीया डोल्मा तामाङको घटनास्थलमै मृत्यु भएको हो । गम्भीर घाइतेहरुलाई थप उपचारका लागि काठमाडौँको ट्रमा सेन्टरमा ल्याइएको छ । घाइते २३ जनाको बैरेनी र गल्छीमा रहेको स्वास्थ्य केन्द्रहरुमा उपचार भइरहेको छ ।

नुवाकोटको बाँसगडीबाट जन्ती बोकेर बाराको अमलेखगञ्जतर्फ जाँदै गरेको बा २ ख ६२६८ नम्बरको बस सडकको खाल्डो छल्ने क्रममा दुर्घटना भएको प्रहरीले जनाएको छ ।