काठमाडौं । युएई नेपाली एकता समाजले मुटुरोग पीडित पत्रकार महेश रिजाललाई आर्थिक सहयोग गरेको छ । समाजले त्यहाँस्थित नेपाली समूदायबाट पठाइएको ३४ हजार ६ सय २० रुपैयाँ बिहीबार काठमाडौंमा रिजाललाई हस्तान्तरण गरेको हो ।
राजमो केन्द्रीय कार्यालय कपनमा युएई नेपाली एकता समाजका सल्लाहकार एवं अन्तर्राष्ट्रिय नेपाली एकता समाजका कन्द्रीय सदस्य कृष्ण केसीले सो रकम रिजाललाई हस्तान्तरण गर्नुभयो ।
कार्यक्रममा राष्ट्रिय जनमोर्चाका महासचिव जनकराज शर्मा, अखिल नेपाल जनजाति सम्मेलनका केन्द्रीय उपाध्यक्ष कुल बहादुर थापा, रक्तिम साँस्कृतिक अभियानका केन्द्रीय सल्लाहाकार मधु छेत्री र रिजालको सहयोगमा रातदिन खटिरहेका राजमो दाङका कार्यकर्ता मदन पाण्डे उपस्थित हुनुहुन्थ्यो ।
मुटु रोरोगबाट ग्रसित रिजाल गंगालाल ह्रदय केन्द्रमा उपचाररत हुनुहुन्छ । उहाँको यही मंसिर ३० गते मुटुको अप्रेसन हुँदैछ । कमजोर आर्थिक अवस्थाका रिजाललाई सहयोग गर्न प्रगतिशील पत्रकार संघ र राजमो दाङले छुट्टा छुट्टै अपिल गरेका छन् ।
