खिमराज चालिसे, चंडगढ ।
मूल प्रवाह अखिल भारत नेपाली एकता समाजले आफ्नो ४३ औँ स्थापना दिवस मनाएको छ । मूल प्रवाह केन्द्रीय समिति र विभिन्न नगर समितिहरुले बेग्लाबेग्लै कार्यक्रमको आयोजना गरी स्थापना दिवस मनाएका छन् ।
मूल प्रवाहको स्थापना सन् १९७९ नोवेम्बर ७ मा भएको थियो । गौरवपूर्ण इतिहास कायम गर्न सफल यो संगठनले भारतमा कार्यरत हजारौं नेपाली मजदुरहरुको समस्याविरुद्ध संघर्ष गर्नुका साथै नेपालको राजनीतिक परिवर्तनमा महत्वपूर्ण भूमिका निर्वाह गर्दै आएको छ ।
एकता समाज केन्द्रीय समितिले आयोजना गरेको भर्चुअल कार्यक्रमको प्रमुख अतिथि राष्ट्रिय जनमोर्चाका अध्यक्ष चित्रबहादुर केसी हुनुहुन्थ्यो । अध्यक्ष केसीले एकता समाज स्थापनाको सन्दर्भबारे स्मरण गर्दै यो संगठनले खेलिरहेको भूमिकाबारे प्रष्ट पार्नुभएको थियो ।
नयाँ दिल्ली
मूल प्रवाह अखिल भारत नेपाली एकता समाजको ४३ औँ स्थापना दिवस नई दिल्ली नगर समिति र ओखला नगर समितिको संयुक्त आयोजनामा सम्पन्न भएको छ ।
कार्यक्रमलाई सम्बोधन गर्दै समाजका वैकल्पिक केन्द्रीय सदस्य शिव केसीले संगठनको महत्व, भारतमा बस्ने नेपाली मजदुरहरूको समस्याबारे स्पष्ट पार्दै आउँदो पिँढीलाई शिक्षित र सिपमुलक बनाउनुपर्नेमा जोड दिनु भयो । साथै, अन्य वक्ताहरुले पनि संगठनको महत्व र परदेशमा रहेका सम्पूर्ण मजदुर नेपाली को समस्या तथा मूल प्रवाह अखिल भारत नेपाली एकता समाज को अभिभावकीय भूमिकाबारे विचार राख्नुभएको थियो ।
तिलक खनालको अध्यक्षता, शिलिक राम पौडेलको सञ्चालन र कन्या गुरुङको सञ्चालनमा सम्पन्न कार्यक्रममा क्षेत्रीय कोषाअध्यक्ष तिलक पाण्डे, रक्तिम सांस्कृतिक विभागबाट पहल सिंह परियार, एभरेष्ट चेम्बरका संस्थागत अध्यक्ष शेखर कुँवर, प्रमोद खरेल, हाम्रो स्वाभिमानका मोहन कार्की र पाण्डे इन्टरप्राइजेजका गोपाल पाण्डेको आतिथ्यता रहेको थियो ।
चंडिगढ
मूल प्रवाह चंडिगढ नगरसमितिको आयोजनामा सम्पन्न समारोहमा एकता समाजको गौरवमय इतिहास र प्रवासी नेपालीहरुको समसामयिक समस्या तथा एकता समाजको भूमिका लगाएतका विषय छलफल गरिएको थियो ।
कार्यक्रममा समाजका केन्द्रीय सदस्य दिनेश खडका, केन्द्रीय सल्लाहकार तिलक पौडयाल, केन्द्रीय सल्लाहकार एवम् नेपाली समाचारका संयोजक खिमराज चालिसे, मूल प्रवाह सुदूरपश्चिमोत्तर महिला क्षेत्रीय सचिव जुना चालिसे, सुदूरपश्चिमोत्तर क्षेत्रीय सदस्य प्रेम आचार्य, समता विभागका केन्द्रीय सदस्य बिनु नेपाली, विदार्थी संघका केन्द्रीय सदस्य विष्णु बेल्बासे, क्षेत्रीय अध्यक्ष माधव पोख्रेल, जनजाति विभागका थमन थापा लगाएतले सम्बोधन गर्नुभएको थियो ।
कार्यक्रम नगर अध्यक्ष मानबहादुर केसीको अध्यक्षतामा तथा नगर सचिव तेज बहादुर रोकाको सञ्चालनमा सम्पन्न भएको थियो भने स्वागत कोषाध्यक्ष किसन खनालले गर्नुभएको थियो ।
रोपड
मूल प्रवाह सुदूरपश्चीमोत्तर क्षेत्रको रोपड नगरसमिति पनि स्थापना दिवशको कार्यक्रम सम्पन्न गरेको छ । समारोहमा मूल प्रवाह सुदूरपश्चिमोत्तर क्षेत्रीय अध्यक्ष प्रेम सापकोटा, क्षेत्रीय सदस्य शिवलाल लामिछाने, जनजाती क्षेत्रीय विभागका बिल वहादुर गुरुङ, महिला क्षेत्रीय सदस्य खगी थापा, लक्ष्मी गुरुङ, मन्जु थापा लगाएतले आ–आफ्ना धारणा राख्नुभएको थियो ।
कार्यक्रम छविलाल सापकोटाको अध्यक्षतामा तथा नन्दलाल सापकोटाको सञ्चालनमा सम्पन्न भएको थियो भने स्वागत भक्त बहादुर थापाले गर्नुभएको थियो ।
लुधियाना
त्यसैगरी मूल प्रवाह सुदूरपश्चिमोत्तर क्षेत्रको लुधियाना तथा लुधियाना फोकलपाइन्ट नगर समितिको संयुक्त आयोजनामा ऐतिहासिक ४३ औँ स्थापना दिवशको कार्यक्रम सम्पन्न भएको छ । कार्यक्रममा मूल प्रवाहका केन्द्रीय उपाध्यक्ष हिरासिंह चन्दले सम्बोधन गर्दै मूल प्रवाहको विकास विस्तारमा मजदुरहरुको भूमिकाको बारेमा स्पष्ट पार्नु भएको थियो ।
त्यस्तै मन्तव्य दिने अन्य वक्ताहरुमा केन्द्रीय सदस्य बासुदेव भट्टराई, क्षेत्रीय सदस्य रामचन्द्र पौड्याल, नगर समितिका राजकुमार शाही, रक्तिम का गोविन्द परियार, समता विभागका भगत विक र अमित लगाएत हुनुहुन्थ्यो ।
कार्यक्रम हरि केसीको अध्यक्षतामा तथा अर्जुन कार्कीको सञ्चालनमा सम्पन्न भएको थियो भने स्वागत चेतमान आलेले गर्नुभएको थियो ।
