काठमाडौं । यात्रा गर्दा पहिरोको सधैँ सास्ती झेल्नुपर्ने बुटवल–पाल्पा सडक खण्डमा पर्ने सिद्धबाबामा सुरुङ निर्माण हुने भएको छ । सुरुङमार्ग निर्माण गर्न अर्थमन्त्रालयबाट १० अर्ब बजेट स्वीकृत भएको छ ।

आइततबारको मन्त्रिपरिषदको बैठकले १० अर्ब १५ करोड रुपैयाँ स्वीकृत गरेको स्रोतले जनाएको छ । सिद्धबाबा सडक खण्डमा सुरुङ मार्ग बिल्ड मोडालिटीमा निर्माण गर्न भनिएको छ ।

राष्ट्रिय योजना आयोगबाट स्वीकृत बहुवर्षीय ठेक्का मापदण्ड, २०७६ बमोजिम प्रक्रिया पूरा गरी डीपीआर बमोजिम हुने गरी डिजाइन, निर्माण तथा सञ्चालन र मर्मत गर्ने कार्यमा प्राविधिक सेवाको सुनिश्चितता गर्न समेत भनिएको छ ।
बहुवर्षीय ठेक्का अन्तर्गत प्रत्येक वर्ष बजेटमा समावेश गर्ने गरी काम अगाडि बढाउन लागिएको हो ।