खिमराज चालिसे, चंडिगढ ।
मूल प्रवाह अखिल भारत नेपाली एकता समाजले लुधियाना सिटी अन्तर्गत जालन्धरमा संगठन विस्तार गरेको छ । जालन्धर बाइपास रोड स्थित शिवपुरी चौकमा आयोजित नेपालीहरुको भेलाले एघार सदस्सीय टोल समिति गठन गरेको हो ।
नवगठित समितिमा अध्यक्ष जयराम विक, उपाध्यक्ष मोहन मलासी, सचिव दशरथ विक, कोषाध्यक्ष दीपक मलासी, सदस्यहरुमा हिक्मत परियार, नविन विक, शंकर नेपाली, दीपेन्द्र मलासी, प्रेम परियार रहनुभएको छ भने एक स्थान रिक्त राखिएको छ ।
मूल प्रवाह लुधियाना नगर समितिका अध्यक्ष उदय सिंह चन्दको विषेश उपस्थितिमा आयोजित भेलामा विभिन्न समसामयिक विषयहरुमा छलफल गरिएको थियो । भेला दशरथ विकको अध्यक्षतामा सम्पन्न भएको थियो ।
चंडिगढमा परिचयात्मक कार्यक्रम सम्पन्न।
मूलप्रवाह अखिल भारत नेपाली एकता समाज चंडिगढ नगर समितीको आयोजनामा परिचयात्मक कार्यक्रम सम्पन्न गरिएको छ । चंडिगढ पुगेका राष्ट्रिय जनमोर्चा गुल्मीका सदस्य एवम् प्रगतिशील पत्रकार संघका जिल्ला अध्यक्ष हरि न्यौपानेसँग मूलप्रवाह चंडिगढका कार्यकर्ताहरुले एक कार्यक्रमबीच स्वागत तथा परिचय गरेका हुन् ।
कार्यक्रममा मूल प्रवाहका केन्द्रीय सदस्य दिनेश खडकाले राष्ट्रियताको रक्षा संघीयताको खारेजी, प्रवासी नेपालीलाई मताधिकार, एमसीसीको विरोध लगाएतका विषयमा मूल प्रवाहले देशमा चल्ने आन्दोलनप्रति ऐक्यवद्धता जनाएको तथा विभिन्न समयमा अराजक एवं अवसरवादीहरुबाट पार्टी तथा संगठन विरोधी क्रियाकलापका विरुद्ब निर्ममता पूर्वक प्रतिवाद गर्दै आइरहेको चर्चा गर्नुभएको थियो । राजमो नेता हरि न्यौपानेले देशको प्रजातान्त्रिक आन्दोलनमा मूल प्रवाहको गौरवमय भूमिका रहेको बताउनुभयो ।
कार्यक्रममा मूल प्रवाहका केन्द्रीय सल्लाहकार एवं नेपाली समाचारका संयोजक खिमराज चालिसे, सुदूरपश्चिमोत्तर क्षेत्रीय महिला विभागकी सचिव जुना चालिसे, सुदूरपश्चिमोत्तर क्षेत्रीय सदस्य प्रेम आचार्य लगाएतले बोल्नुभएको थियो ।
अर्जुन विकको सञ्चालन तथा मान बहादुर केसीको अध्यक्षतामा सम्पन्न कार्यक्रममा बालाराम न्यौपानेले स्वागत गर्नुभएको थियो ।
