दिल्ली। मूल प्रवाह अखिल भारत नेपाली एकता समाज दिल्ली नगर समिति १७ औं सम्मेलन पछिको प्रथम भेला सम्पन्न भएको छ । समाजका अध्यक्ष दुर्गा बहादुर केसीको उद्घाटन गर्दै संगठनबाट निश्कासित कतिपय तत्वहरुले अराजकताको हद पार गर्दै हिंडेको बताउनु भयो ।
पार्टी वा कुनै पनि संघसंस्था अनुशासन विना सञ्चालन हुन नसक्ने केसीको भनाई थियो । अराजकपूर्ण गतिविधिमा सम्लग्न व्यक्तिहरुले छरेको भ्रममा नपर्न समेत अध्यक्ष केसीले सम्पूर्ण कार्यकर्ताहरुलाई अनुरोध गर्नुभएको थियो ।
‘संगठनबाट निश्कासित व्यक्तिहरुले विभिन्न नाममा आफूलाई खाटी क्रान्तिकारी बताउन सक्छन् तर व्यवहारमा पुष्टि गर्ने विषय निकै महत्वको विषय हो ।’ अध्यक्ष केसीले भन्नु भयो– ‘त्यसैले कसैले एकछिनको रमझमका लागि क्रान्तिकारीताको विल्ला भिरेको जस्तो देखिएता पनि समय परिस्थिति तयार नहुँदासम्म जो जसले आफुलाई क्रान्तिको ठेकेदार भनाउँदै हिंडेता पनि त्यो केवल दिवा सोपन मात्रै हो ।’
समय भन्दा पहिले र समयको पछि कुनै पनि सफलता हात नलाग्ने हुनाले आफूलाई निकै क्रान्तिकारी बताउनेहरुले केही सिमित व्यक्तिहरुलाई भ्रम छर्न सफल भएता पनि नेपालको क्रान्तिकारी आन्दोलनमा वलिदानीपूर्ण संघर्ष खटिएका कार्यकर्ताहरु कदापी नभड्कीने केसीको भनाई थियो ।
भेलामा क्षेत्रीय कोषाध्यक्ष तिलक पाण्डेको पनि आतित्थ्यता रहेको थियो । नगर अध्यक्ष रामु धमलाको अध्यक्षता र डोलराज शर्माको सञ्चालनबाट अगाडि बढेको सो भेलामा सहभागिहरुलाई सुनील थापाले स्वागत गर्नुभएको थियो ।
भेलाद्वारा चयन समितिको घोषणा तिलक पान्डेले गर्नुभएको थियो । समितिको अध्यक्षमा रामु धमला, उपाध्यक्ष सुनील थापा, सचिव नरेन्द्र अधिकारी, सहसचिव प्रेम खनाल र कोषाध्यक्षमा डोलराज शर्मा चयन हुनुभएको छ ।
सदस्यहरुमा शिवलाल थापा, सुनिता थापा, नन्दु नेपाली, सुनिता शर्मा, ज्ञानु भण्डारी, बिशाल खनाल, मिरा थापा रहनुभएको छ भने हाललाई एक स्थान रिक्त राखिएको छ । त्यस्तै, बैकल्पीक सदस्यहरुमा इश्वरी खनाल, बिक्रम पुन, कमलप्रसाद भण्डारी, सल्लाहकारमा, फर्शबहादुर नेपाली, नारायन कुस्मेली, प्रभा थापा, सुनीता पुन, मायाँ थापा रहनुभएको छ ।
