सक्तमान बुढाथोकी, हङकङ ।
मगर संघ हङकङको दशौँ अधिवेशन नेतृत्व चयन गर्न असफल भएको छ ।

हङकङमा जारी अधिवेशनको बन्द सत्रका क्रममा विवाद उत्पन्न भएपछि अधिवेशन नयाँ नेतृत्व चयन नगरी स्थगित भएको हो ।

अब नयाँ नेतृत्वका लागि तीन महिनाभित्र निर्वाचन गरिने अध्यक्ष मण्डलका अध्यक्ष एम वि थापा दर्लामी मगरले जानकारी दिनुभयो ।
मगर संघ हङकङको अधिवेशनका क्रममा हुलहुज्त तथा झैझगडा भएका कारण अधिवेशन नै स्थगित गर्नुपरेको आयोजकले जनाएको छ।

सोही कारण विधानको परिच्छेद ६ धारा २३ ख (ग) अनुसार संघको प्रचलित विधानको अधिनमा रही आगामी ३ महिना भित्र निर्वाचन सम्पन्न गराउने अध्यक्ष थापाद्वारा जारी विज्ञप्तिमा जनाइएको छ ।

मगर संघ हङकङको १० औं अधिवेशन ३अक्टोवर २०२१ का दिन हङकङको जोर्दन इनदिया क्लवमा भएको थियो । अध्यक्ष पदमा हेमराज थापा मगर र हर्कप्रशाद रानामगरबिच प्रतिस्पर्धा रहेको छ । कार्यक्रमको उद्घाटन हङकङका लागि महावाणिज्य दूत उदयजंग रानामगरले गर्नुभएको थियो ।