मेघराज रिष्मेली, जापान ।
रक्तिम सांस्कृतिक अभियान जापानको अध्यक्षमा जनगायक लिला परियार चयन हुनुभएको छ । सोमबार एक कार्यक्रम बिच अभियानलाई पुनर्गठन गदै परियारको नेतृत्वमा समिति गठन गरेको हो ।
समितिको संरक्षकमा सचित्र केसी (ओसाका), उपाध्यक्ष तेजु केसी (चिबा), सचिव टिका केसी (ओसाका), सहसचिव नविन बस्याल (सेन्दाइ) र कोषाध्यक्षमा प्रकाश बिसी बादल (सेन्दाइ) रहनुभएको छ ।
सदस्यहरुमा गोपाल खत्री (ओसाका), डिलु खत्री (ओसाका), मधु गुरूङ (सिजुओका), मिरा पुरी (टोकियो), मिलन राना (फुकुओका) र भावना सापकोटा (ओसाका) हुनुहुन्छ । त्यस्तै, सल्लाहकारमा भिम केसी, गोपाल सापकोटा, प्रदिप विक, डण्ड केसी र मनबहादुर सलामी रहनुभएको छ ।
प्रमुख अतिथी जापान नेपाली एकता समाजका केन्द्रीय अध्यक्ष यामलाल सापकोटा, अन्तराष्ट्रिय नेपाली एकता समाजका सदस्यद्वय सालिकराम सापकोटा, गोपाल सापकोटा, जापान नेपाली एकता समाजका केन्द्रीय सल्लाहकार नन्दु शर्मा, अन्तराष्ट्रिय नेपाली एकता समाजका तर्फबाट सालिकराम सापकोटा ,टोकियो क्षेत्रिय समितिका अध्यक्ष डण्ड केसी, ह्योगो क्षेत्रिय समितिका अध्यक्ष भुवन सापकोटाले नवनिर्वाचित समितिलाई सफलताको शुभकामना दिनुभएको थियो ।
रक्तिम सांस्कृतिक अभियान जापानको पुनर्गठन र यसको महत्वको बिषयमा एकता समाजका केन्द्रीय सदस्य हेमलाल गौतमले स्पष्ट पार्नुभयो भने नवगठित समितिका अध्यक्ष लिला परियारले समितिको तर्फबाट मन्तब्य दिनुभएको थियो ।
रक्तिम सांस्कृतिक अभियान जापानका निवर्तमान अध्यक्ष सचित्र केसीको अध्यक्षता तथा एकता समाजका केन्द्रीय महासचिव तेजेन्द्र क्षेत्रीको सञ्चालनबाट कार्यक्रम अघि बढेको थियो ।
जापान नेपाली एकता समाजले लामो छलफल र अन्तरक्रिया गर्दै जापानमा कार्यरत प्रगतिशील संस्कृति कर्मीहरुको बिचबाट रक्तिम सांस्कृतिक अभियान पुनर्गठन गरेको छ ।
भर्चुअल कार्यक्रमबाट भएको भेलामा एकता समाजका उपाध्यक्ष भिम केसीले नवनिर्वाचित समितिको नाम प्रस्तु गर्नुभएको थियो ।
