खिमराज चालिसे ।
रोल्पा जिल्ला लिवाङ नगरपालिका–५ निवासी गङ्गाराम ओलीकी ४२ वर्षीय श्रीमती जमुना ओलीको उपचारार्थ आर्थिक सहयोग गर्न मूल प्रवाह अखिल भारत नेपाली एकता समाजको भटिन्डा नगर समितिले अपिल गरेको छ ।
गत पाँच वर्षदेखि पत्थरीको उपचार गराउँदै गर्दा हाल हरियाणा राज्यको अम्बालाबाट जागिर छुटेर पन्जाब राज्यको बठिन्डामा छोराकहाँ पुगेकी आमालाई उपचार गर्न समस्या परेपछि मूल प्रवाह बठिन्डा नगर समितिमा निवेदन दिएका हुन् ।
पीडितले मूल प्रवाहमा दिएको निवेदनको आधारमा छानबिन गरी डाक्टरसँग परामर्स लिँदा बिमारी जटिलताले घेरेको र छिटोभन्दा छिटो उपचार गर्नुपर्ने सल्लाह दिएको हुदा र एक्लै बठिन्डा नगर समितिले सो काम गर्न नसक्ने भएको हुदा सबै दानी सज्जनसँग सक्दो सहयोग गरिदिन अपिल गरिएको छ ।
जमुना ओलीको मिर्गौलामा ५३ एमएमको र पित्तमा पनि छ एमएमको पत्थरी रहेको, त्यसका साथै पाठेघरमा समेत समस्या भएको हुँदा अवस्था गम्भीर भएको बठिन्डाबाट मूल प्रवाहका क्षेत्रीय सदस्य नरबहादुर ओलीले बताउनुभयो ।
मूल प्रवाह एकता समाजले सहयोग गर्न चाहने महानुभावलाई गङगाराम ओली ८९५००६०३२७, टेकबहादुर केसी ९९८८८३७०७६, नरबहादुर ओली ९४१७४८५४२५ मा सम्पर्क गर्न वा स्टेट बैङ्क अफ इन्डियाको खाता नम्बर १०७३०४४००६१ रकम पठाउन सकिने जानकारी गराएको छ ।
त्यस्तै गुगलपेमार्फत नरबहादुर ओली ९४१७४८५४२५न म्बरमा पनि सहयोग गर्न सकिने जानकारी मूल प्रवाह बठिन्डा नगर समितिले दिएको छ ।
