जनक बिसी, कोचिन (दक्षिण भारत) ।
मूल प्रवाह अखिल भारत नेपाली एकता समाज, कोचिन नगर समितिको आयोजनामा १०४ वर्षीय कम्युनिस्ट योद्धा खगुलाल गुरुङको देहान्त भएकोमा श्रद्धाञ्जली सभा सम्पन्न गरेको छ ।
असोज ३ गते भर्चुअल माध्यमबाट सम्पन्न उक्त कार्यक्रम नगर सचिव जनक बिसीको सञ्चालन तथा बाबुराम केसीको अध्यषतामा अघि बढेको थियो ।
स्वागत मन्तव्य गणेश शर्मा पौडयालद्वारा राखिएपछि वरिष्ठ सदस्य रिखेन्द्र बिसीले खगुलाल गुरुङको जीवनी, कम्युनिस्ट आन्दोलनमा उहाँले दिनुभएको योगदानबारे उल्लेख गर्दै इतिहासमा उहाँ नाम रातो अक्षरमा लेखिने बताउनुभयो ।
कार्यक्रममा एकता समाजका नगर सदस्य तारानाथ शर्मा, महिला क्षेत्रीय विभागबाट जानकीदेवी बिसी, महिला नगर अध्यक्ष सरस्वती शर्मा, महिला नगर उपाध्यक्ष सावित्रा घर्तीमगर, सचिव चन्द्रिका घर्तीमगर, नगर सदस्य मेघराज बिसी, आसाराम घर्तीमगर, जगत सारूमगर, भक्तराम श्रेष्ठ र एरिया समितिबाट गोविन्द नेपाली, टेकबहादुर नेपाली र रघु विष्टले पनि शोकमन्तव्य राख्नुभएको थियो ।
