लोकेन्द्र पौडेल (दक्षिण भारत), खिमराज चालिसे (चंडिगढ) ।
मूल प्रवाह अखिल भारत नेपाली एकता समाजले संयुक्त तिजी कार्यक्रम सम्पन्न गरेको छ । दक्षिण भारत क्षेत्रीय समिति अन्तर्गत चेन्नैका पूर्व, पश्चिम, उत्तर, दक्षिणमा रहेका ४ वटै नगर समिति महिला विभागको संयुक्त आयोजनामा प्रगतिशिल तिजी कार्यक्रम सम्पन्न भएको हो ।
नेपाली एकता समाज चेन्नै दक्षिण महिला विभागका सचिव नविना बस्नेतको सञ्चालन र पूर्व नगर महिला विभाग सदस्य कमला अधिकारी अध्यक्षतामा कार्यक्रम शुरु भएको थियो।
कार्यक्रमा मूल प्रवाह अखिल भारत नेपाली एकता समाज दक्षिण भारत क्षत्रीय अध्यक्ष चन्द्रबहादुर थापा, कोषाध्यक्ष लोकेन्द्र पौडेल, सदस्य काशिराम शर्मा, कोटि प्रशाद पोख्रेल, ओमाकान्त शर्मा, पश्चिम नगर सदस्य पदम प्रसाद पौडेल, दिलबहादुर जिएम र पूर्व नगर कोषाध्यक्ष सूर्यप्रसाद भुसाल, नगर सदस्य टिका थापाले सम्बोधन गर्नुभएको थियो ।
त्यसक्रममा वक्ताहरुले महिलाहरु अहिलेको अवस्थामा चुलो चौकामा सिमित नरहेर संसारका आम शोषित पीडित वर्गको मुक्ति आन्दोलनलाई हाँक्ने अठोटका साथ अगाडि बढ्नु पर्ने धारणा राख्नु भएको थियो ।
रक्तिम विभागले स्वागत गीतबाट तथा पूर्व नगर महिला विभागको तर्फबाट सम्झना नेपालीले स्वागत गर्नु भएको थियो ।
अम्बालामा प्रगतिशील तिजी कार्यक्रम
यता, मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय समितिद्वारा सञ्चालित अम्बाला नगरको आयोजनामा प्रगतिशील तिजी कार्यक्रम सम्पन्न भएको छ।
मूल प्रवाहका केन्द्रीय सल्लाहकार तिलक पौडयालले कार्यक्रम उदघाटन गर्दै एमसीसी विरुद्बको आन्दोलनसँग जोडेर प्रगतिशील रुपमा तिजी कार्यक्रम मनाउन आग्रह गर्नु भएको थियो । त्यस्तै, क्षेत्रीय सदस्य प्रेम रजालीले पनि सम्बोधन गर्नु भयो।
कार्यक्रम कमल सुवेदीको अध्यक्षता तथा बाबुराम भुसालको सञ्चालनमा सम्पन्न भएको थियो भने स्वागत धनबहादुर खड्काले गर्नुभएको थियो।
लुधियानाका कार्यक्रम
त्यस्तै, सुदूरपश्चिमोत्तर क्षेत्रको लुधियाना नगरमा पनि प्रगतिशील तिजी कार्यक्रम नगर समिति लुधियाना तथा लुधियाना फोकलपाइन्टको संयुक्त आयोजनामा सम्पन्न भएको छ ।
कार्यक्रमका प्रमुख अतिथी मूल प्रवाहका केन्द्रीय उपाध्यक्ष कपिल खनालले उदघटन गर्दै प्रगतिशील तिजको महत्वबारे चर्चा गर्नुभयो ।
केन्द्रीय उपाध्यक्ष हिरासिंह चन्द, केन्द्रीय सदस्य बासुदेव भट्टराई, क्षेत्रीय सदस्य उदैसिंह चन्द, राजकुमार अधिकारी, नगरका राजकुमार शाही, रक्तिमका नारायण पोख्रेल, खुमवहादुर थापा, अर्जुन कार्की, हरि केसी लगाएतको आतिथ्यता रहेको थियो ।
विमला अधिकारीको अध्यक्षता तथा गोविन्द परियारको सञ्चालनमा भएको कार्यक्रममा स्वागत नारायण पोख्रेलले गर्नुभएको थियो ।
