भुज । मूल प्रवाह अखिल भारत नेपाली एकता समाज पश्चिम भारत क्षेत्रीय समिति अन्तर्गत गुजरातको कछ–भुज जिल्लाको भुज शहरमा नगर समिति पुनर्गठन भएको छ ।
महासचिव ठाकुर खनाल र केन्द्रीय सचिव तथा पश्चिम भारत क्षेत्रीय अध्यक्ष बेदबहादुर कार्कीको विशेष उपस्थितिमा प्रशिक्षणात्मक भेलासहित समिति पुनर्गठन गरिएको हो ।
भेलामा महासचिव खनालले राजनैतिक प्रशिक्षण दिनुभएको थियो भने सचिव कार्कीले संगठनको बारेमा प्रकाश पार्नु भएको थियो ।
भेलाले विनोद भट्टराईको अध्यक्षतामा १३ पूर्ण २ वैकल्पिक र २ सल्लाहकार सहित १७ सदस्यीय भुज नगर समितिको पुनर्गठन गरेको छ । समितिको उपाध्यक्षमा दानबहादुर मल्ल, सचिव प्रकाश बोटेल, सहसचिव कपेन्द्र शाही र कोषाध्यक्षमा विजय चलाउने रहनुभएको छ ।
सदस्यहरुमा भिमबहादुर दुबराकोटी, देवेन्द्र रावल, मनोज सोनी, प्रेम बटाला, धिरज सिंह, हिरा प्रसाद खनाल, अक्कल प्रसाद खनाल, केशव विक तथा वैकल्पिक सदस्यमा रमेश बराल र मनसरा बोटेल हुनुहुन्छ । समितिमा शारदा उपाध्याय र लक्ष्मी देवी मल्ल सल्लाहकार चयन हुनुभएको छ ।
विनोद भट्टराईको अध्यक्षता र प्रकाश बोटेलको सञ्चालनबाट अगाडि बढेको भेलामा दान बहादुर मल्लले स्वागत गर्नुभएको थियो ।
