सुर्खेत । राष्ट्रिय जनमोर्चा कर्णाली प्रदेशले राष्ट्रियता, जनतन्त्र तथा जनजिवीकासँगै अपर कर्णालीको मुद्दा जोडतोडले उठाउने तयारी गरेको छ । राजमो कर्णालीद्वार प्रदेश समिति पुनर्गठनसँगै भारतीय अतिक्रमणमा परेको लिपुलेकको विषयमा चलेको आन्दोलनलाई थप उचाईमा पुर्याउनुका साथै अपर कर्णालीको विषयलाई समेत चर्काउने निर्णय गरेको हो ।
राजमो कर्णालीको अध्यक्षमा भरत शाही चयन भएसँगै अपर कर्णाली मुद्दालाई चर्काउन लागिएको हो। अध्यक्ष शाही ‘माथिल्लो कर्णाली बचाउ राष्ट्रिय अभियान’ का अध्यक्षसमेत हुनुहुन्छ ।
मगलबार सुर्खेतमा बसेको राजमो कर्णाली प्रदेशको बैठकले प्रदेश समिति पुनर्गठन सहित विभिन्न निर्णयहरु गरेको छ । बैठकमा राजमो कर्णाली प्रदेशका इन्चार्ज रत्नविक्रम प्यासीको उपस्थिति रहेको थियो । प्रदेश समिति पुनर्गठनपछि बनेको समितिमा निम्न सदस्यहरु हुनुहुन्छ ।
समितिको अध्यक्षमा भरत बहादुर शाही (दैलेख),उपाध्यक्ष कमलबिक्रम शाही (कालीकोट),सचिव गिरी प्रशाद बुढा (पश्चिम रूकुम) र कोषाध्यक्षमा धनप्रशाद देवकोटा (सुर्खेत) चयन हुनुभएको छ ।
त्यस्तै,सदस्यहरुमा देवजगङ्ग शाही (कालीकोट),कृष्णा रावल(सुर्खेत), ढकन प्रशाद शर्मा(सल्यान), जयबहादुर खड्का (मुगु), अमर नेपाली (दैलेख) गिता आचार्य (सुर्खेत),अग्नी प्रशाद उपाध्याये (जुम्ला), गोविन्द प्रशाद सुवेदी (सुर्खेत),बलबहादुर भण्डारी (हुम्ला) र हर्कबहादुर आरसी (डोल्पा) रहनु भएको छ ।
