काठमाडौँ । बुढानीलकण्ठ नगरपालिकामा आगामी साउन २५ र २५ गते कोरोना विरुद्ध कोभिसिल्ड खोपको दोस्रो मात्रा लगाइने भएको छ । यो खोप पहिलो मात्रा लगाइसकेका ६५ वर्ष माथिका र अन्य जोखिम समूहलाई लगाइने छ ।
नगरपालिकाले २०७८ साउन २४ गते सूचना जारी गर्दै सो जानकारी दिएको हो । खोप बिहान १०ः३० देखि दिउँसो ४ बजेसम्म लगाइने सूचनामा उल्लेख छ ।
नगर प्रमुख उद्धवप्रसाद खरेलको हस्ताक्षरमा जारी सूचनाामा खोप लगाउनका लागि सर्वसाधारण जनता कोभिसिल्डको पहिलो मात्रा लगाएको कागज लिएर वडा नं. २ गणेशचोकस्थित गणेश मावि, वडा नं. ८ गोल्फुटारस्थित महाङ्काल स्वास्थ्यचौकी, वडा नं. १० कपन बेखस्थित बालउद्धार मावि, सोही वडाको मनकामना मन्दिरनजिकको नेपाल चार्टर स्कुलमा पुग्नेपर्ने छ ।
थप जानकारीका लागि ९८४९६४९६४४, ९८४६७७०३२, ९८६४९४०१०२ र ९८४१३६५३८४ मा सम्पर्क गर्न सूचनामा आग्रह गरिएको छ ।
