काठमाडौं । गएको २४ घण्टामा नेपालमा ३ हजार ६११ जनामा कोरोना भाइरसको संक्रमण पुष्टि भएको छ। १४ हजार ६११ जनामा परीक्षण गर्दा सो संख्यामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो अवधिमा १ हजार ८१८ जना डिस्चार्ज भएका छन्। आज २७ जनाको मृत्यु भएको स्वास्थ्य मन्त्रालयले जनाएको छ। यो सहित नेपालमा कोरोनाका कारण ज्यान गुमाउनेको संख्या ९ हजार ८३४ पुगेको छ।
आज काठमाडौं उपत्यकामा ७१९ जनामा संक्रमण पुष्टि भएको छ। जसमध्ये काठमाडौंमा ५५६, ललितपुरमा १८७ र भक्तपुरमा ७६ जना रहेका छन्।
हिजो देशभर ३ हजार ३६५ संक्रमित थपिएका थिए भने १ हजार ३७३ संक्रमणमुक्त भएका थिए। हिजो १४ जनाको मृत्यु भएको स्वास्थ्य मन्त्रालयको तथ्यांकमा उल्लेख छ।
हिजो काठमाडौं उपत्यकामा ८६० जनामा संक्रमण पुष्टि भएको थियो। जसमध्ये काठमाडौंमा ५९७, ललितपुरमा १५५ र भक्तपुरमा १०८ जना रहेका थिए।
यसअघि बुधबार नेपालमा ३ हजार ८४० जना संक्रमित थपिएका थिए भने ३३ को मृत्यु भएको थियो। यस्तै, १ हजार ९९३ जना संक्रमणमुक्त भएका थिए।
बुधबार काठमाडौं उपत्यकामा ८५९ जनामा संक्रमण पुष्टि भएको थियो। जसमध्ये काठमाडौंमा ५५९, ललितपुरमा २०६ र भक्तपुरमा ९४ जना रहेका थिए।
