काठमाडौं । गएको तीन दिन यता लगातार संक्रमणमुक्त हुनेभन्दा संक्रमितको संख्या बढिरहेको छ । जारी निषेधाज्ञा खुकुलो भएसँगै निको हुनेभन्दा संक्रमित हुनेको संख्या पनि बढ्दै गएको तथ्यांकले देखाएको छ ।
गएको २४ घण्टामा कोरोना भाइरसबाट २ हजार ९७९ जना संक्रमित भएका छन्। ११ हजार ८९८ जनाको परीक्षण गर्दा सो संख्यामा संक्रमित फेला परेका हुन्। यो अवधिमा १ हजार ३३३ जना संक्रमणमुक्त भएका छन्।
आज २८ जनाको ज्यान गएको स्वास्थ्य मन्त्रालयले जनाएको छ। यो सहित नेपालमा कोरोनाका कारण ज्यान गुमाउनेको संख्या ९ हजार २९१ पुगेको छ।
आज काठमाडौं उपत्यकामा ५४३ जनामा संक्रमण देखिएको छ। जसमा काठमाडौं ३९०, ललितपुर ८६ र भक्तपुर ६७ जना रहेका छन्।
हिजो मंगलबार २ हजार ६३४ जनामा संक्रमण देखिएको थियो भने १ हजार ५६५ जना संक्रमणमुक्त भएका थिए। १५ जनाको निधन भएको थियो । हिजो काठमाडौं उपत्यकामा ४९९ जना संक्रमित थपिएका थिए जसमा काठमाडौं ३६५, ललितपुर १०५ र भक्तपुर २९ जना रहेका छन्।
यस्तै, सोमबार २ हजार ६२२ जनामा संक्रमण पुष्टि भएको थियो भने २ हजार २११ जना संक्रमणमुक्त भएका थिए। २३ जनाको मृत्यु भएको थियो। सोमबार काठमाडौं उपत्यकामा ५५१ जनामा संक्रमण देखिएको थियो। जसमा काठमाडौं ३७८, ललितपुर १२४ र भक्तपुर ४९ जना रहेका थिए।
