जेनेभा । विश्व स्वास्थ्य सङ्गठन (डब्लुएचओ) ले कोरोनाको उपचारका लागि नयाँ औषधि सिफारिस गरेको छ ।
विभिन्न परीक्षणबाट कोरोना विरुद्ध उपचार गर्नका लागि प्रभावकारी पुष्टि भएकाले “इन्टरलेउकिन–६” प्रयोग गर्न सकिने निस्कर्ष निकालेर सिफारिस गरिएको डब्लुचएओले जनाएको छ ।
औषधिसम्वन्धी विभिन्न अध्ययन तथा विश्लेषणले कोरोना विरुद्ध यो औषधि उपयोगी हुने निस्कर्ष निकालेको डब्लुएचओका अधिकारीहरूले बताएका छन् ।
डब्लुएचओले मङ्गलबार आयोजना गरेको पत्रकार सम्मेलनमा यो औषधिका बारेमा गरिएको अध्ययन तथा विश्लेषण धेरै ठुला अध्ययनमध्येको एक भएको जानकारी दिइएको थियो ।
‘कोरोनाका कारण गम्भीर अवस्थामा रहेका बिरामीलाई पनि यसले सन्चो गराएको पाइएको छ, यसले विशेष गरेर प्रतिरक्षा शक्ति बढाउने काम गर्ने र यो धेरै प्रभावकारी भएको देखिएको छ’ डब्लुएचओका एक उच्च अधिकारीले पत्रकार सम्मेलनमा भने । (रासस/सिन्ह्वा)
