काठमाडौँ । पछिल्लो २४ घण्टामा थप एक हजार छ सय तीन जनामा कोरोना सङ्क्रमण पुष्टि भएको छ भने २७ जनाको मृत्यु भएको छ ।
स्वास्थ्य तथा जनसङ्ख्या मन्त्रालयका अनुसार चार हजार आठ सय ७६ जनाको पिसिआर परीक्षणमा एक हजार ४२ र तीन हजार दुई सय ५६ जनाको एन्टिजेन परीक्षणमा पाँच सय ६१ जना गरी एक हजार छ सय तीन जनामा सङ्क्रमण पुष्टि भएको हो ।
सङ्क्रमितमध्ये चार सय ६१ जना काठमाडौँ उपत्यकाका छन् । सो सङ्ख्यामा काठमाडौँमा ३४२, ललितपुरमा ८८ र भक्तपुरमा ३१ जना सङ्क्रमित भेटिएका हुन् ।
त्यसैगरी पछिल्लो २४ घण्टामा सङ्क्रमणमुक्त हुनेको सङ्ख्या दुई हजार पाँच सय ५२ पुगेको छ ।
त्यस्तै, पछिल्लो चौबिस घण्टामा कोरोना सङ्क्रमणबाट २७ जनाको मृत्यु भएको छ । हालसम्म ९ हजार २२५ जना सङ्क्रमितको मृत्यु भइसकेको छ ।
हाल देशभरका नौ वटा जिल्लामा सक्रिय सङ्क्रमितको सङ्ख्या ५०० भन्दा बढी रहेको छ ।
