काठमाडौं । गएको २४ घण्टामा नेपालमा २ हजार ४७६ जनामा कोरोना भाइरसको संक्रमण पुष्टि भएको छ।
१४ हजार ३५१ जनाको परीक्षण गर्दा सो संख्यामा संक्रमण पुष्टि भएको हो। ९ हजार ५८६ पीसीआर परीक्षण गर्दा १ हजार ७२१ र ४ हजार ७६५ जनाको एन्टिजेन परीक्षण गर्दा ७५५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
यो अवधिमा ५ हजार ४५५ जना संक्रमणमुक्त भएका छन्।
आज २७ जनाको मृत्यु भएको मन्त्रालयले जनाएको छ। यो सहित कोरोनाका कारण मृत्यु हुनेको संख्या ८ हजार ९४५ पुगेको छ।
उपत्यकामा ४२७ संक्रमित थपिए
काठमाडौं उपत्यकामा आज ४२७ जनामा कोरोना भाइसको संक्रमण पुष्टि भएको छ। काठमाडौंमा ३०८, ललितपुरमा ७६ र भक्तपुरमा ४३ जना संक्रमित थपिएका छन्।
आज काठमाडौंपछि धेरै संक्रमित कास्कीमा फेला परेका छन्। गण्डकी प्रदेशको कास्कीमा २३३ र तनहुँमा १२८ जना संक्रमित थपिएका हुन्।
