काठमाडौँ । चिकित्सा शिक्षा आयोगको स्वायत्ततामा हस्तक्षेप नगर्न १२ जना पूर्व उपकुलपतिहरूले सरकारको ध्यानाकर्षण गराएका छन् ।
पूर्व उपकुलपतिहरू महेशकुमार उपाध्याय, केदारभक्त माथेमा, सुरेशराज शर्मा, नवीनप्रकाश जङ्ग शाह, कैलाशनाथ प्याकुरेल, महेश्वरमान श्रेष्ठ, जयराज अवस्थी, कमलकृष्ण जोशी, तोरणबहादुर कार्की, खगेन्द्र भट्टराई, हिराबहादुर महर्जन र नरेशमान बज्राचार्यले २०७८ असार १ गते “पदीय मर्यादा र विश्वविद्यालयको स्वायत्तताको सम्मान गर्न पूर्व उपकुलपतिहरूको आग्रह” शीर्षकको विज्ञप्ति जारी गर्दै उनीहरूले यस्तो माग गरेका हुन् ।
त्यसका साथै उनीहरूले आयोगका उपाध्यक्ष प्रा.डा. श्रीकृष्ण गिरीको सुरक्षा गर्नसमेत सरकारसँग माग गरेका छन् ।
“डा. श्रीकृष्ण गिरीको जायज अडानका कारण उहाँलाई गम्भीर धम्की आउन थालेका कुरा पनि सञ्चार माध्यममा आउन थालेका छन्” उनीहरूले अगाडि भनेका छन्– “यसरी जोकसैलाई पनि इमान्दारी र नैतिकतामाथिको चुनौतीस्वरूप भौतिक, मानसिक र शारीरिक यातना सामना गर्नुपरेमा त्यसबाट हुने कुनै पनि क्षतिको सम्पूर्ण जिम्मोवर वर्तमान सरकार हुने छ ।”
उनीहरूले अगाडि भनेका छन्– “डा. श्रीकृष्ण गिरीलाई सुरक्षा प्रदान गर्न र विश्वविद्यालय तथा चिकित्सा शिक्षा आयोगको स्वायत्ततामा हस्तक्षेप नगर्न र यी संस्थालाई आफ्ना निकायमार्फत विधिअनुरूप काम गर्न दिन हामी पूर्व उपकुलपतिहरू सरकारसँग जोडदार माग गर्दछौँ ।”
यस्तो छ विज्ञप्ति
