काठमाडौं । गएको २४ घण्टामा नेपालमा २ हजार ९१८ जनामा कोरोना भाइरसको संक्रमण पुष्टि भएको छ । १४ हजार ८१९ जनाको परीक्षण गर्दा सो संख्यामा संक्रमित फेला परेका हुन् ।

आज ५३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै कोरोनाका कारण मृत्यु हुनेको संख्या ८ हजार ४६४ पुगेको छ ।

यो अवधिमा ५ हजार १४७ जना संक्रमणमुक्त भएका छन् । नेपालमा संक्रमणमुक्त हुने दर ८७.८ प्रतिशत रहेको छ । हिजो देशभर २ हजार ४०७ जनामा संक्रमण पुष्टि भएको थियो भने ३ हजार ९९३ जना संक्रमणमुक्त भएका थिए । यस्तै, ४६ जनाको मृत्यु भएको थियो ।

यस्तै, आज काठमाडौं उपत्यकामा ६०७ जना संक्रमित थपिएका छन् । जसमा काठमाडौं ३९६, ललितपुर १४५ र भक्तपुर ६६ रहेका छन् ।
हिजो काठमाडौं उपत्यकामा काठमाडौं ४८३, ललितपुर ११२ र भक्तपुरमा ५४ गरी ६५३ जना संक्रमित फेला परेका थिए ।