काठमाडौं । गएको २४ घण्टामा नेपालमा २ हजार ४०७ जनामा कोरोना भाइरसको संक्रमण पुष्टि भएको छ । १२ हजार ४०६ जनाको परीक्षण गर्दा सो संख्यामा संक्रमित भेटिएको स्वास्थ्य तथा जनसंख्या मन्त्रालयले जनाएको छ।

जस अनुसार ७ हजार ५१२ पीसीआरबाट १ हजार ६९४ र ४ हजार ८८९ जनाको एन्टिजेन परीक्षण गर्दा ७१३ जनामा संक्रमण पुष्टि भएको हो।
यस्तै, काठमाडौं उपत्यकामा काठमाडौं ४८३, ललितपुर ११२ र भक्तपुरमा ५४ गरी ६५३ जना संक्रमित फेला परेका छन् ।

आज ३ हजार ९९३ जना संक्रमणमुक्त भएका छन् भने ४६ जनाको मृत्यु भएको मन्त्रालयले जनाएको छ । आज देशभर १ हजार १ सय जना आईसीयूमा उपचाररत रहेकोमा ३७४ जना भेन्टिलेटरमा रहेका छन् । यस्तै, देशभर ६८ हजार ९५५ जना सक्रिय संक्रमित छन् ।