काठमाडौं । आज नेपालमा ३ हजार ७४९ जनामा कोरोना भाइरसको संक्रमण पुष्टि भएको छ । १५ हजार २३८ जनाको परीक्षण गर्दा सो संख्यामा संक्रमित भेटिएका स्वास्थ्य मन्त्रालयले जनाएको छ ।
आज ५९ जनाको मृत्यु भएको मन्त्रालयले जनाएको छ। यो सँगै कोरोनाका कारण मृत्यु हुनेको संख्या ८ हजार २३८ पुगेको छ । यस्तै, यो अवधिमा ५ हजार २९३ जना संक्रमणमुक्त भएका छन्।
यसैगरी काठमाडौंमा उपत्यकामा ७६४ जनामा कोरोना भाइरसको संक्रमण देखिएको छ । स्वास्थ्य मन्त्रालयले दिएको जानकारी अनुसार काठमाडौंमा ५४०, ललितपुरमा १२५ र भक्तपुरमा ९९ जनामा संक्रमण पुष्टि भएको हो ।
हिजो काठमाडौं उपत्यकामा ९१५ संक्रमित थपिएका थिए जसमा काठमाडौंमा ६७९, भक्तपुरमा ८५ र ललितपुरमा १५१ जनामा संक्रमण पुष्टि भएको थियो । त्यसको एक दिनअघि मंगलबार उपत्यकामा १ हजार २२६ संक्रमित थपिएका थिए ।
हिजो देशभर ४ हजार ३४४ जनामा कोरोना भाइरसको संक्रमण पुष्टि भएको थियो भने ५ हजार ७६८ जना संक्रमणमुक्त भएका थिए । कोरोनाका कारण हिजो ८१ जनाको निधन भएको थियो ।
