काठमाडौँ । सरकारी सेवामा आवद्ध नर्सिङहरूको सङ्घ (गोनान) ले स्वास्थ्य तथा जनसङ्ख्या मन्त्री शेरबहादुर तामाङलाई ज्ञापनपत्र बुझाएका छन् ।
गोनानका अध्यक्ष, उपाध्यक्षलगायतका पदाधिकारीले स्वास्थ्यमन्त्री तामाङलाई भेटी सरकारले ल्याएको “एक चिकित्सक/स्वास्थ्यकर्मी एक स्वास्थ्य संस्था–२०७७” कार्यविधिमा नर्समाथि विभेद भएको भन्दै उनीहरूले सरकारको ध्यानाकर्षण गराएका हुन् ।
सङ्घले कार्यविधि आउन राम्रो भए पनि नर्सका विषयमा विभेद भएको भन्दै त्यसमा संशोधन गर्दै डाक्टरको जस्तै नर्सका लागि पनि स्पष्ट व्यवस्था गर्न माग गरेको छ ।
उक्त कार्यविधिमा सबै ठाउँमा चिकित्सक, नर्सलगायत स्वास्थ्यकर्मी भनिएपनि आर्थिक पाटोमा उक्त कुरा छुटाउनु दुखद विभेद भएको तथा नर्सको कामको अवमूल्यन भएको भन्दै सङ्घले ध्यानाकर्षण गराएको हो ।
गोनानले कार्यविधिको दफा ४ को उपदफा २ को (क) र दफा ५, (२) मा नर्स भन्ने शब्द यथावत् राखी उक्त कार्यविधि २०७७ लाई पूर्णता दिई सञ्चालन गर्न माग समेत गरेको छ ।
यस्तो छ, गेनानको माग समेटिएको विज्ञप्ति
