काठमाडौँ । गएको २४ घण्टामा नेपालमा ४ हजार ३४४ जनामा कोरोना भाइरसको सङ्क्रमण पुष्टि भएको छ । १६ हजार ६४२ जनाको परीक्षण गर्दा सो सङ्ख्यामा सङ्क्रमण पुष्टि भएको हो ।

१२ हजार ७४ जनाको पिसिआर परीक्षण गर्दा ३ हजार ४४९ र ४ हजार ५६८ जनाको एन्टिजेन परीक्षण गर्दा ८९५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले गरेको नियमित प्रेस ब्रिफिङका क्रममा जनाइएको छ । यस्तै, यो अवधिमा ५ हजार ७६८ जना सङ्क्रमणमुक्त भएका छन् ।

बुधबार ८१ जनाको निधन भएको छ । योसँगै नेपालमा कोरोना भाइरसको सङ्क्रमणका कारण निधन हुनेको सङ्ख्या ८ हजार १७९ पुगेको छ ।

बुधबार काठमाडौँ उपत्यकामा ९१५ जनामा सङ्क्रमण देखिएको छ ।

देशभर ८० हजार ३३६ जना सक्रिय सङ्क्रमित देखिएका छन् । मन्त्रालयका अनुसार आज १ हजार ३१२ जना आइसियुमा उपचारत रहेका छन् ।