काठमाडौं । दुई वर्षअघि युट्युबबाट हटाइएको पशुपति शर्माको चर्चित गीत ‘लुट्न सके लुट कान्छा’ पुनः युट्युवमा फर्किएको छ ।

दुईवर्षअघि युट्युवमा प्रिमियर भएको यो गीत राजनीतिक दबाबकै कारण शर्माले युट्युवबाट हटाउनुभएको थियो ।

शर्माले आफ्नो युट्युव च्यानलमार्फत उक्त गीत पुनः सार्वजनिक गर्नुभएको छ ।

गीतमा अरबौंको हेलिकोप्टर राष्ट्रपतिलाई किनिएको, वाइडबडीको भ्रष्टाचारीमाथि कार्वाही नभएको, सुब्बा खरदारले भ्रष्टाचार गर्ने गरेको, सरकारी डाक्टरले क्लिनिकमा बिरामी बोलाउनेजस्ता कुराहरु उल्लेख गरिएको छ ।

त्यतिबेला गीत सार्वजनिक भएपछि सत्तामा रहेको दलका नेता कार्यकर्ताले सामाजिक संजालमा चर्को आलोचना गर्दै दबाब दिएपछि गीत हटाइएको थियो ।