काठमाडौं । आइतबार दिउँसो सिन्धुपाल्चोकको सुकुटेमा भएको बस दुर्घटनामा मृत्यु हुनेको संख्या १७ पुगेको छ । दुर्घटनामा घाइते भएका ५४ जनाको विभिन्न अस्पतालमा उपचार भइरहेको छ ।
सिन्धुपाल्चोक प्रहरीका अनुसार १५ जनाको घटनास्थलमै र २ जनाको उपचारका क्रममा मृत्यु भएको हो । मृतक मध्ये ७ जनाको सनाखत भएको छ । दोलखाकी २४ वर्षीया रञ्जिता केसी, सिन्धुपाल्चोककी अन्दाजी २७ वर्षीया चमेली श्रेष्ठ, उनकी छोरी ६ वर्षीया शाहीरामी श्रेष्ठ, ३ महिनाको शिशु सिसन तामाङ र दोलखाकी ५१ वर्षीया रक्तकुमारी रावतको घटनास्थलमै मृत्यु भएको हो ।
यस्तै, धुलिखेल अस्पताल र श्रीमेमोरियल अस्पताल बनेपामा तेजकुमारी बस्नेत र सुनिला तामाङको पनि मृत्यु भएको छ । मृतक अन्यको सनाखत हुन बाँकी छ ।
दोलखाको सैलुङ गाउँपालिका मागा देउरालीबाट काठमाडौं आउँदै गरेको बा २ ख ७२४५ नम्बरको बस आइतबार दिउँसो सुनकोशी नदीमा खसेको थियो ।घटनामा परी घाइते भएका ५४ जनाको विभिन्न अस्पतालमा उपचार भइरहेको छ । यि हुन् घाइतेहरुः
