काठमाडौं । अन्तराष्ट्रिय क्रिकेट काउन्सिल (आईसीसी) ले नेपालको निलम्बन सशर्त फुकुवा गरेको छ । सोमबार बसेको आईसीसी बोर्ड बैठकले नेपालको निलम्बन फुकुवाको निर्णय गरेको हो । नेपालसँगै जिम्वाब्बेको निलम्बन पनि फुकुवा गरिएको छ ।

‘दुबईमा सकिएको आईसीसी बोर्डको बैठकले जिम्बावे र नेपाललाई आईसीसी सदस्यको रूपमा स्वीकार गरेको छ’ आईसीसीले जारी गरेको विज्ञप्तिमा भनिएको छ ।

आईसीसीले नेपाललाई २०१६ मा निलम्बन गरेको थियो। यो निलम्बनपछि उसकै अगुवाईमा विधान संशोधन हुनुका साथै हालै भएको निर्वाचनले चतुरबहादुर चन्दको नेतृत्वमा १७ सदस्यीय कार्यसमिति बनाएको थियो ।

यसले निलम्बन फुकुवाको बाटो खुला गरेको थियो ।आईसीसीले जारी गरेको वक्तव्यमा क्रिकेट संघलाई केके शर्त राखिएको भन्ने खुलाइएको छैन ।