बागलुङ । राष्ट्रिय जनमोर्चा काठेखोला गाउँपालिका- ४ तंग्रामले राष्ट्रिय स्वाधीनताका लागि गाउँ जागरण अभियान अन्तरगत बिजया दशमी, शुभ दिपावली र छठ पर्वको अवसरमा बिहीबार शुभकामना आदान प्रदान तथा पुनमिलन कार्यक्रम सम्पन्न गरेको छ ।
कार्यक्रमका प्रमुख अतिथि अखिल नेपाल युवक संघका पुर्व केन्द्रीय अध्यक्ष तथा राष्ट्रिय जनमोर्चाका राष्ट्रिय परिषद् सदस्य तिलक थापाले बिजया दशमी, शुभ दिपावली र छठ पर्वको शुभकामना व्यक्तगर्नुभयो ।
उहाँले भावनात्मक सम्बन्ध रहेका चाडपर्वलाई भावनामा मात्र नभई सीप, अनुभव, क्षमता साटासाट गर्ने अवसरको रुपमा लिनु पर्ने बताउनुभयो । यी पर्व संगै भित्रिएका बिकृति र बिसंगति बिरुद्ध संर्घष गर्न सकेनौ भने यसले हाम्रा भावनासंग जोडिएका पर्व मात्र होईन सिङ्गो रुपान्तरणका आन्दोलन समेत प्रभावित हुने समेत बताउनु भयो । राष्ट्रिय जनमोर्चाले सञ्चालन गरेको राष्ट्रिय स्वाधीनताको आन्दोलनलाई सफल पार्न पनि नेता थापाले सबैलाई अपिल गर्नु भयो ।
कार्यक्रममा राष्ट्रिय जनमोर्चाका केन्द्रीय सदस्य तथा गण्डकी प्रदेश सांसद माननीय पियारी थापाले संस्कृति संरक्षणको नाममा आयतित बिकृतिले समाजमा झन नकारात्मक असर पारेको बताउदै समाज परिवर्तनको नेतृत्व राष्ट्रिय जनमोर्चाले गरिरहेको बताउनुभयो।
त्यस्तै,कार्यक्रममा राष्ट्रिय जनमोर्चा बागलुङका सचिवालय सदस्य तथा काठेखोला गाउँ समितिका अध्यक्ष लक्षमण पुन, अखिल नेपाल बुद्धिजीवी संघका केन्द्रीय सदस्य कमला थापा, रक्तिम सांस्कृतिक अभियानका केन्द्रीय सचिव हेमराज पुन, अखिल नेपाल जनजाती सम्मेलन बागलुङका उपाध्यक्ष ओम बहादुर पुन, राजमो काठेखोला गाउँ समितिका सचिव तथा काठेखोला गाउँ कार्यपालिका सदस्य टीका संगम बिक,राजमो काठेखोलाका सदस्य थमन पुन, तंग्रामका उपाध्यक्ष थिर बहादुर राना, अखिल नेपाल शिक्षक संघका धन प्रशाद पुन लगायतले शुभकामना मन्तव्य राख्नु भएको थियो ।
वडा समितिका अध्यक्ष बिष्णु कडेलको अध्यक्षता, कृष्ण बिकको सञ्चालन र सचिव सस बहादुर बिकको स्वागत मन्तव्यमा सम्पन्न भएको थियोे ।
