काठमाडौँ । नेपाल पत्रकार महासङ्घको आयोजनामा प्रेस स्वतन्त्रता सुनिश्चित गर्न माग गर्दै माइतीघर मण्डलमा पत्रकारले मौन प्रदर्शन गरेका छन् ।

२०८३ कात्तिक १४ गते बिहान पत्रकार पक्राउ र सञ्चारगृहमा प्रहरीको धरपकड विरुद्ध वर्षाका बिच उनीहरूले पानीमा भिज्दै मौन प्रदर्शन गरेका हुन् ।

महासङ्घका सल्लाहकार रमेश विष्ट र वरिष्ठ पत्रकार देवेन्द्र चुडाललगायतले प्रदर्शनलाई सम्बोधन गरेका थिए ।

शुक्रवार सादा पोसाकका प्रहरीले शुक्रबार नेपाल प्रेसका पत्रकार विश्वमणि सुवेदी, मोटिभेट न्युजका शोभराज बराल र डिएनए खबरका धीरज बस्नेतलाई पक्राउ गरेको थियो । त्यस्तै प्रहरी नवराज मैनालीलाई पक्राउन नयाँपत्रिका दैनिकमा तथा पत्रकार सुदीप विश्वकर्मालाई पक्राउ गर्न दियो पोस्टको न्युज रुममा पुगेको थियो । चौतर्फी विरोधपछि उनीहरूलाई साँझ रिहा गरिएको थियो ।