काठमाडौँ । नेपाली कम्युनिस्ट पार्टी (नेकपा) ले भोलि २०८३ कात्तिक ७ गते शनिबारदेखि राष्ट्रिय जागरण अभिायन सञ्चालन गर्ने भएको छ ।

कात्तिक ६ गते नेकपा केन्द्रीय कार्यालयले सूचना जारी गर्दै सो जानकारी दिएको हो ।

सरकारको कार्यशैली ठिक नभएको बताउँदै आएको नेकपाले सरकार बनेको केही महिनादेखि नै बडादसैँपछि आन्दोलनमा जाने बताउँदै आएको थियो ।

उक्त घोषणालाई मूर्त रूप दिने गरी नेकपाले शनिवारदेखि जागरण अभियान सञ्चालन गर्न लागेको जानकारी दिएको छ ।

जागरण अभियानको उद्घाटन भोलि दिउसो २ बजे पार्टी कार्यालय पेरिसडाँडामा संयोजक पुष्पकमल दाहाल र सहसंयोजक माधवकुमार नेपालले उद्घाटन गर्ने नेकपाले जनाएको छ ।