महेश रिजाल, भालुबाङ ।
दाङको राप्ती गाउँपालिका–४ मौरीघाटस्थित चैतन्य पाठशालाको आयोजनामा बडादशैँ, तिहार तथा छठपर्वको उपलक्ष्यमा शुभकामना आदानप्रदान कार्यक्रम सम्पन्न भएको छ ।
२०८३ असोज २९ गते बिहीबार मौरीघाटमा सो कार्यक्रम सम्पन्न भएको हो ।
पाठशालाका म्यानेजिङ डाइरेक्टर डा. जीवराज आचार्यको अध्यक्षता तथा राप्ती गाउँपालिका शिक्षा शाखा प्रमुख देवी मल्लको प्रमुख आतिथ्यमा सो समारोह सम्पन्न अघि बढेको थियो ।
प्रमुख अतिथि मल्लले पानसमा द्वीप ज्वलन गरी समारोहको उद्घाटन गर्नुभएको थियो ।
शुभकामना आदानप्रदान कार्यक्रमको औचित्यतामाथि प्रकाश पार्दै वरिष्ठ मनोविद शुष्मा रेग्मीले मन्तव्य प्रस्तुत गर्नुभएको थियो ।
कार्यक्रममा उपस्थित सहभागीलाई रोटरी क्लब अफ राप्तीका अध्यक्ष होमप्रसाद शर्मा, वासुदेव न्यौपाने र सहायक प्राचार्य बसन्तराज भट्टराईले स्वागत गर्नुभएको थियो ।
राष्ट्रिय गित, सरस्वती बन्दनालगायत विद्यालयमा अध्यनरत छात्रछात्राद्वारा विविध मनोरञ्जनात्मक गीत तथा नृत्य प्रस्तुत गर्नुका साथै उक्त कार्यक्रममा विज्ञान प्रर्दशनीसमेत प्रस्तुत गरिएको थियो ।
कार्यक्रममा पाठशालाका पूर्व छात्रछात्राद्वारा विभिन्न रचनात्मक कार्यको समेत प्रर्दशनी गरिएको थियो ।
