भारत । भारतको हिमाचल प्रदेशस्थित रामपुरबाट एक नेपाली परिवारका दुई सदस्य रहस्यमय ढङ्गले बेपत्ता भएका छन्। सल्यान जिल्ला घर भएका एक नेपाली श्रमिककी श्रीमती र दुई वर्षीय छोरा २० अगस्त २०२६ देखि सम्पर्कविहीन भएका हुन्।
पीडित श्रीमान् जीवराज खड्काले आफ्नी श्रीमती र छोराको खोजीका लागि मूल प्रवाह अखिल भारत नेपाली एकता समाज तथा आम नागरिकसमक्ष भावुक अपिल गरेका छन्।
मूल प्रवाहलाई पीडित जीवराज खड्काले दिएको निवेदनअनुसार, नेपालको सल्यान जिल्ला धधेश्वरी गाउँपालिका घर भई हाल हिमाचल प्रदेशको शिमला जिल्ला अन्तर्गत कोटखाई, बगा बगीचा (उदित चौहानको बगान) मा विगत एक वर्षदेखि कार्यरत जीवराज खड्काकी श्रीमती र छोरा अचानक सम्पर्कविहीन भएका हुन्।
जीवराजका अनुसार, २० अगस्त २०२६ का दिन उनकी श्रीमती मनिषा खड्का र दुई वर्षीय नाबालक छोरा कसैलाई केही नभनी बगानबाट निस्किएका थिए । त्यसयता उनीहरू सम्पर्कमा नआएपछि सम्भावित सबै ठाउँमा खोजतलास गरिएको भए पनि हालसम्म फेला पार्न नसकिएको उनले बताएका छन्।
बेपत्ता मनिषा खड्काको हुलिया गहुँगोरो वर्ण, करिब ४ फिट उचाइ तथा नेपाली र हिन्दी भाषा बोल्न सक्ने रहेको बताइएको छ। उनका साथमा दुई वर्षीय छोरा रहेको जनाइएको छ।
उनीहरूलाई कतै देख्नुहुने वा उनीहरूको अवस्थाबारे कुनै जानकारी पाउनुहुने महानुभावलाई नजिकको मूल प्रवाह अखिल भारत नेपाली एकता समाजको कार्यालय वा निम्न सम्पर्क नम्बरमा जानकारी गराइदिन अनुरोध गरिएको छ।
सम्पर्क नम्बरहरू: सीताराम बुढा, नगर अध्यक्ष, रामपुर- ९८६२८०८६३९३, भावना, नगर सह–सचिव -७८०७७४८९२३, खिलराज – ८२१९७५४७२८, उदित चौहान – ७८०७२००७२८
