चण्डीगढ । भारतको हिमाचल प्रदेशअन्तर्गत रिकाङपिओमा मूल प्रवाह अखिल भारत नेपाली एकता समाजको समदु–स्पिती एरिया समिति गठन गरिएको छ ।
आइतबार, २६ जुलाई २०२६ मा सम्पन्न एरिया भेलाले रमेश कुमारको अध्यक्षतामा १९ सदस्यीय एरिया समिति गठन गरेको हो ।
राज्य समितिका सहसचिव तथा नगर सचिव मिथुन सिंहको प्रमुख आतिथ्यतामा सम्पन्न भेलामा विभिन्न समसामयिक विषयमा छलफल तथा विचार–विमर्श गरिएको थियो। कार्यक्रममा नगर अध्यक्ष गोपालजंग शाही, नगर कोषाध्यक्ष प्रकाशचन्द्र र सदस्य राजेन्द्रको आतिथ्यता रहेको थियो ।
भेलाबाट गठित समितिको उपाध्यक्षमा रंगबहादुर, कोषाध्यक्षमा राजेश, सचिवमा लोकबहादुर डाँगी र सहसचिवमा सुनिलकुमार चयन हुनुभएको छ । त्यसैगरी सदस्यहरूमा किशन, परबहादुर, तिलक, पार्वती थापा, मीना विक, प्रतिज्ञा विक, दत्तधराला र रामकुमारी रहनुभएको छ ।
वैकल्पिक सदस्यहरूमा हरिबहादुर सुनार, सुनिता सुनार र नम्गेल चयन हुनुभएको छ। त्यसैगरी सल्लाहकारमा रविन्द्रसिंह सल्यान र रामकुमार दिलबहादुर रहनुभएको छ ।
