सुरत । मूल प्रवाह अखिल भारत नेपाली एकता समाज, सुरत नगर समितिअन्तर्गत महिला विभाग गठन गरिएको छ। शान्ति तिरुवाको संयोजकत्वमा २५ सदस्यीय महिला विभाग गठन गरिएको हो।
महिला विभागकी संयोजक शान्ति तिरुवाको अध्यक्षता तथा सविना कुँवरको सञ्चालनमा सम्पन्न कार्यक्रममा केन्द्रीय सदस्य रमकला काउछा प्रमुख अतिथि रहनुभएको थियो। कार्यक्रममा क्षेत्रीय कोषाध्यक्ष प्रविण सिंह काउछा, क्षेत्रीय सचिवालय सदस्य भीम साउद, क्षेत्रीय सदस्य पूर्ण विक, नगर अध्यक्ष किशोर ताम्राकार, क्षेत्रीय महिला विभाग सदस्य लक्ष्मी ताम्राकार र नगर उपाध्यक्ष गोविन्द सुनारको उपस्थिति थियो।
कार्यक्रममा प्रमुख अतिथि रमकला काउछाले महिलाहरू सामाजिक रूपमा संगठित हुँदै अन्याय, अत्याचार, शोषण र दमनविरुद्ध लड्न सक्षम बन्नुपर्ने बताउनुभयो।
उहाँले महिलाहरू घरायसी काममा मात्र सीमित नभई समाजमा सक्रिय रूपमा आबद्ध भएर महिला दिदीबहिनीमाथि आइपर्ने विभिन्न समस्याको समाधान गर्न सक्ने क्षमता विकास गर्नुपर्नेमा जोड दिनुभयो।
कार्यक्रममा उपस्थित अतिथिहरूले नवगठित महिला विभागलाई शुभकामना दिँदै सुरतमा रहेका नेपाली महिला दिदीबहिनीका समस्या समाधानका लागि सक्रिय भूमिका खेल्ने विश्वास व्यक्त गर्नुभयो। साथै, सुरतमा रहेका सम्पूर्ण नेपाली महिलाहरूलाई सामाजिक संगठनमा आबद्ध गराउन नवगठित विभागले पहल गर्नुपर्नेमा जोड दिइएको थियो।
भेलाले शान्ति तिरुवाको संयोजकत्वमा २५ सदस्यीय सुरत महिला नगर विभाग गठन गरिएको छ । सदस्यहरूमा : गीता तिमिल्सेना, दुर्गा ताम्राकार, आरती परियार, कोकिला डाँडावाडी, बिस्ना विक, रेखा विक, दुर्गा सुनार, गौरी टमट्टा, टिना विक, गौरी मयल, रत्ना विक, लक्ष्मी विक, बिस्ना जनाला, कमला सुनार, पम्फा विक, प्रियंका सुनार, सुर्जा सुनार, ऐशु विक, लक्ष्मी ओड, नन्दा बिष्ट, नन्दनी सुनार, सुष्मा श्रेष्ठ, अनिता सुनार र मिना विक।
अन्त्यमा अध्यक्ष शान्ति तिरुवाले सौहार्दपूर्ण वातावरणमा कार्यक्रम सम्पन्न भएको घोषणा गर्नुभएको थियो।
