राजकोट (भारत),  जुलाई २७। मूल प्रवाह अखिल भारत नेपाली एकता समाज, पश्चिम भारत क्षेत्रीय समिति अन्तर्गत राजकोट महानगरमा नगर संगठन समिति गठन गरिएको छ। पश्चिम भारत क्षेत्रभित्र सबैभन्दा बढी नेपाली श्रमिक कार्यरत रहेको राजकोटमा आइतबार (२६ जुलाई २०२६) सम्पन्न सामान्य भेलाले २९ सदस्यीय नगर समिति सर्वसम्मत रूपमा गठन गरेको हो।

दुर्गेश बिकको सञ्चालन, प्रेमबहादुर बिकको अध्यक्षता तथा मूल प्रवाह अखिल भारत नेपाली एकता समाजका केन्द्रीय सचिव एवं पश्चिम भारत क्षेत्रीय अध्यक्ष बेदबहादुर कार्कीको प्रमुख आतिथ्यमा सम्पन्न भेलामा दिनेश विश्वकर्माले स्वागत मन्तव्य व्यक्त गर्नुभएको थियो।

भेलाले प्रेमबहादुर बिकको अध्यक्षतामा १९ पूर्ण सदस्य, ३ वैकल्पिक सदस्य र ५ सल्लाहकार सदस्यसहित २९ सदस्यीय नगर संगठन समिति गठन गरेको छ।

नवनिर्वाचित समितिको अध्यक्षमा प्रेमबहादुर बिक, उपाध्यक्षमा सागर सिंह, सचिवमा दुर्गेश बिक, सहसचिवमा गोविन्द बिक तथा कोषाध्यक्षमा दिनेश विश्वकर्मा चयन हुनुभएको छ।

त्यसैगरी सदस्यहरूमा तुल्सी बिक, चन्द्रेश बिक, उमेश बिक, रवि खत्री, उमाशंकर पुन, प्रकाश सोनी, शेरबहादुर बिक, मोहन थापा, प्रेम बिक, नन्दलाल बिक, करण बिक, चन्द्र लोहार, सुरेश सुनार र दीपेन्द्र बिक चयन हुनुभएको छ।

वैकल्पिक सदस्यहरूमा कमल बिक, अम्मर बिक र देवसिंह ठकुरी चयन हुनुभएको छ भने सल्लाहकार सदस्यहरूमा रेशम खड्का, भरत बिक, दलबहादुर बिक, रेशम बिक र कृष्ण बिक रहनुभएको छ।

भेलालाई सम्बोधन गर्दै प्रमुख अतिथि बेदबहादुर कार्कीले भारतमा कार्यरत नेपाली श्रमिकहरूलाई संगठित गर्दै श्रमिक अधिकार, सामाजिक एकता तथा राष्ट्रिय हितका पक्षमा सक्रिय भूमिका निर्वाह गर्न नवगठित समितिले प्रभावकारी ढंगले काम गर्ने विश्वास व्यक्त गर्नुभयो।

नवनिर्मित समितिले राजकोट क्षेत्रमा रहेका नेपाली समुदायबीच एकता, सहयोग र संगठनको विस्तार गर्दै श्रमिकका हक–अधिकारको संरक्षण तथा सामाजिक गतिविधिलाई थप सशक्त बनाउने प्रतिबद्धता जनाएको छ।