नलिया, कच्छ (गुजरात), २१ जुलाई ।
मूल प्रवाह अखिल भारत नेपाली एकता समाज, पश्चिम भारत क्षेत्रीय समिति अन्तर्गत पर्ने नलिया, कच्छमा नगर (एरिया) समिति पुनर्गठन गरिएको छ । भरत राना क्षेत्रीको सञ्चालन तथा प्रेम बुढा क्षेत्रीको अध्यक्षतामा सम्पन्न सामान्य भेलाले सर्वसम्मत रूपमा नयाँ समिति चयन गरेको हो ।
भेलामा मूल प्रवाह अखिल भारत नेपाली एकता समाजका केन्द्रीय सचिव एवं पश्चिम भारत क्षेत्रीय अध्यक्ष बेदबहादुर कार्की प्रमुख अतिथिका रूपमा सहभागी हुनुभएको थियो । कार्यक्रममा झुपबहादुर भण्डारीले स्वागत मन्तव्य व्यक्त गर्नुभएको थियो ।
भेलाबाट गठित समितिमा अध्यक्ष– प्रेम बुढा क्षेत्री, उपाध्यक्ष– भरत बुढा क्षेत्री, सचिव– झुपबहादुर भण्डारी, सहसचिव– नरेन्द्र राना, कोषाध्यक्ष– रमेश राना चयन हुनुभएको छ ।
त्यसैगरी, सदस्यहरूमा नवीन राना, खिमराज खड्का, नहकुल राना, राजेन्द्र पोखरेल, डिल्लीराज खड्का, रमेश ठकुरी, धर्म बुढा, तपि कुमार रावत, भगत खड्का र बमबहादुर रावत चयन हुनुभएको छ । वैकल्पिक सदस्यमा मानसिंह राना र अनिल चौधरी रहनुभएको छ भने सल्लाहकारमा कृष्णबहादुर राना र के.बी. राना चयन हुनुभएको छ ।
