गौर । रौतहट निर्वाचन क्षेत्र नम्बर–४ बाट निर्वाचित रास्वपा सांसद गणेश पौडेलमाथि कालोमसी दलेर दुव्र्यवहार गरिएको छ ।

२०८३ साउन ७ गते बिहीबार गढीमाई नगरपालिका–७ पर्सामा आयोजित ‘जनतासँग भेटघाट कार्यक्रम’ सकेर फर्किने क्रममा उनलाई कालोमसी दलिएको हो ।

मास्क लगाएका दुई/तीन जनाको समूहले सांसद पौडेलमाथि कालोमसी दलेर फरार भएको बताइएको छ ।

सांसद पौडेलका अनुसार राति करिब ८ बजेतिर पछाडिबाट आएका व्यक्तिहरूले अँगालो हालेझैँ गरी उनको ढाडमा कालोमसी दलेका थिए ।

आक्रमणकारीले हातमा रातो झन्डा र पर्चा बोकेका थिए र आफूलाई ‘मधेस मुक्ति अभियान’ सँग आबद्ध रहेको सङ्केत दिएको सांसद पौडेलले दाबी गरेका छन् ।

घटनापछि प्रहरीलाई जानकारी गराइएको तथा यस सम्बन्धमा अनुसन्धान भइरहेको छ ।