दाङ जिल्ला, गढवा गाउँपालिका–गंगापरस्पुर निवासी गोमबहादुर थापा क्षेत्रीका ४३ वर्षीय छोरा रामबहादुर थापा क्षेत्री यही जुलाई ९, २०२६ देखि भारतको महाराष्ट्र राज्यस्थित पुणे सरकारी ससुन अस्पतालबाट सम्पर्कविहीन भएका छन्।

पारिवारिक स्रोतका अनुसार उनको सामान्य मानसिक सन्तुलनमा समस्या रहेकाले ससुन अस्पतालमा उपचाररत रहेका बेला उनी हराएका हुन्।

रामबहादुर थापा क्षेत्री गोरो वर्णका, करिब ५ फिट २ इन्च उचाइका छन्। उनलाई कसैले देख्नुभएको वा फेला पार्नुभएको भए नजिकको मूल प्रवाह अखिल भारत नेपाली एकता समाज वा पुणे पश्चिम नगर समितिका खेमराज रावत (मोबाइल: ८४२१७४५६२०) अथवा उनका भाइ विष्णु थापा क्षेत्री (मोबाइल: ७५२३९८४१७४) मा तत्काल जानकारी गराइदिन सम्बन्धित सबैमा हार्दिक अनुरोध गरिएको छ।