जनकपुरधाम । मधेश प्रदेश सभामा ४१ अर्ब १३ करोड ८६ लाख रुपैयाँ बराबरको बजेट सर्वसम्मतले पारित गरेको छ ।

बुधबार बसेको मधेश प्रदेश सभाको बैठकमा सो बजेट सर्वसम्मतिले पारित भएको हो ।

अर्थमन्त्री युवराज भट्टराईले १ असारमा ४१ अर्ब १३ करोड ८६ लाख रुपैयाँ बराबरको बजेट प्रदेश सभामा पेश गर्नुभएको थियो ।

बजेट विवाद समाधानका लागि गठित सात सदस्यीय कार्यदलले पेश गरेको थियो ।

प्रमुख प्रतिपक्ष र प्रतिपक्षी दलले बजेटमा त्रुटि देखिएकाले संशोधन वा कार्यदल गठन हुनुपर्ने माग गर्दै प्रदेश सभा बैठक अवरुद्ध पार्दै आएका थिए ।

गत २८ असारमा सभाले बजेट विवाद समाधानका लागि सात सदस्यीय कार्यदल गठन गरेको थियो ।

कार्यदलले मंगलबार १० बुँदे प्रतिवेदन सभामा पेश गरेको थियो ।

उक्त बुँदा समेत बजेटको अंग बनेको छ ।