काठमाडौं, साउन १५ । आफ्नो उत्पादनको उचित मूल्य नपाएको विरोधमा किसानहरूले आज काठमाडौंको माइतीघर मण्डलामा सडकमै गोलभेडा फालेर प्रदर्शन गरेका छन्।
Advertisement
लागत मूल्यसमेत उठाउन नसकेको गुनासो गर्दै किसानहरूले कृषि उत्पादनको उचित मूल्य निर्धारण, तत्काल राहत प्याकेज, कृषि बिमाको प्रभावकारी कार्यान्वयन तथा उत्पादित वस्तुको बजार सुनिश्चित गर्न सरकारसँग माग गरेका छन्। किसानहरूले कृषि क्षेत्रको समस्या समाधानका लागि राज्यले तत्काल ठोस कदम चाल्नुपर्ने बताएका छन्।
