काठमाडौँ । नेकपा (मसाल) ले राष्ट्रिय जनमोर्चाका केन्द्रीय सल्लाहकार आनन्द शर्माकी आमा कौशिला पाध्याको निधनप्रति श्रद्धाञ्जली व्यक्त गरेको छ ।
प्रवक्ता रामप्रकाश पुरीको हस्ताक्षरमा २०८३ जेठ २४ गते आइतबार शोकवक्तव्य जारी गर्दै श्रद्धाञ्जलीसँगै सन्तप्त परिवारप्रति समवेदना व्यक्त गरेको हो ।
स्मृतिशेष कौशिलाले मसालको आन्दोलनका लागि सहयोग गरेको बताएादै वक्तव्यमा उहाँको निधनबाट गम्भीर क्षति भएको बताइएको छ ।
यस्तो छ, शोकमन्तव्यको पूर्ण पाठ :
“राष्ट्रिय जनमोर्चाका केन्द्रीय सल्लाहकार कामरेड आनन्द शर्माकी ममतामयी आमा तथा राष्ट्रिय जनमोर्चाका केन्द्रीय सदस्य कामरेड सुधा शर्माकी सासूआमा कौशिला पाध्याको २०८३ जेठ २३ गते भएको निधनप्रति हामीले गहिरो दु:ख व्यक्त गर्दै सन्तप्त परिवारजनप्रति हार्दिक समवेदना व्यक्त गर्दछौँ ।
दिवङ्गत कौशिलाले आफ्ना सन्ततिहरूलाई नि:स्वार्थ र निष्कलङ्कपूर्वक हाम्रो पार्टीको आन्दोलनको यात्रामा अगाडि बढ्नका लागि मार्गप्रशस्त गर्नुभएको थियो । त्यसबाट हाम्रो पार्टीको आन्दोलनलाई धेरै नै मदत पुग्न गयो । त्यसरी अहिले उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।”
