दाङ । राष्ट्रिय जनमोर्चा घोराहीले स्मृतिशेष इन्द्रा पुनमगरको स्मृतिमा शोकसभा सम्पन्न गरेको छ । २०८३ जेठ २२ गते शुक्रबार उक्त कार्यक्रम सम्पन्न भएको हो ।
श्रद्धाञ्जलीस्वरूप मृतकप्रति एक मिनट मौनधारणसँगै अघि बढेको उक्त कार्यक्रममा मृतकको फोटोमा अखिल नेपाल जनजाति सम्मेलनका केन्द्रीय सचिव रामबहादुर जिएमले माल्र्यापण गर्नुभएको थियो ।
कार्यक्रममा केही शब्द राख्दै सचिव जिएमले मृत्यु जन्मसँग आएकाले यसलाई टार्न कसैले नसक्ने बताउनुभयो ।
इन्द्राको मृत्युले सङ्गठनलाई ठुलो क्षति पुगेको धारणासमेत उहाँले राख्नुभयो ।
त्यस्तै स्वर्गद्वारी नगरपालिकाका उपप्रमुख मीनराज रानाले इन्द्रालाई बचाउन निकै कोसिस गरे पनि बचाउन नसकिएको स्मरण गर्नुभयो ।
स्मृतिशेष इन्द्राकी जेठाजु शेरबहादुर पुनको अध्यक्षतामा अघि बढेको शोकसभामा राजमो दाङका जिल्ला सदस्य मेघराज भट्टराई, क्रान्तिकारी कम्युनिस्ट पार्टीका केन्द्रीय सदस्य वीरबहादुर पुन, राजमो स्वर्गद्वारी–२ का अध्यक्ष धनबहादुर पुन, अखिल नेपाल युवक सङ्घ दाङका जिल्ला सदस्य मेघराज आले र रक्तिम सांस्कृतिक अभियान घोराही नगर सल्लाहकार यमराज घर्तीको उपस्थिति थियो ।
त्यस्तै, परिवारको तर्फबाट जेठानी दिदी चुमा पुन, देउरानी अजिता पुन, छोराहरू सुभाष पुन र सुरज पुन, मृतककी आमा हस्तीदेवी बोम्पाल, भाइ पूर्णमान बोम्पाल, माहिली बहिनी विमला घर्ती, साहिली बहिनी गीता पुन, कान्छी बहिनी यमकला गुरुङ, माइती भाइबुहारी चन्द्रिका रानापुन, मृतकका सानीआमा ननसरी घर्ती, ठुलाबुबा धनबहादुर पुन, आमाजू जनकेरी पुन र नन्द निर्मला घर्तीको समेत आतिथ्य रहेको थियो ।
कार्यक्रमको सञ्चालक नवराज पुनले गर्नुभएको थियो ।
४० वर्षीया स्मृतिशेष इन्द्रा राजमो घोराही नगर समितिका सदस्य तथा जनजाति सम्मेलन दाङका कोषाध्यक्ष शेरबहादुर पुनकी भाइबुहारी, युवक सङ्घ दाङका जिल्ला सदस्य सुभाष पुन र रक्तिम घोराही नगर समिति सदस्य सुरज पुनकी आमा हुनुहुन्थ्यो ।
प्युठान जिल्ला स्वर्गद्वारी नगरपालिका–२ बाङ्गेसल्ला खाल निवासी इन्द्रा पछिल्लो समय दाङको घोराहीमा बस्दै आउनुभएको थियो ।
